ديواندره ييخيلاني يا ديواندره بوينو يوغوني؟

<?xml:namespace prefix = o ns = "urn:schemas-microsoft-com:office:office" />

 

گئجه دُدم ايله اوتورموشودوک و صاباحين گؤرملي ايشلرينين موردينده دانيشيرديک. قرار اولدو کي صاباح گئدم کشاورزي اداره­سينه و اورادان سبزه داواسي آلام. صبح تئزدن يوخودان دوردوم ، نمازي قيلاندان سونرا آز چکمدي کي هاوا ايشيق لاندي و ننه­ام گونده­کي صبحلر تکين سورفاني سالدي و اوتوردوک سورفا باشيندا.صبحانه يييندن سونرا دوردوم و پالتار گئييب و قاپودان چيخديم اشيگه...

***

ساعات 8:20 اداره کشاورزي نين قاباغي :

(( يازيغ اؤ اکينچي کي نخود اکير! ...ايله بيردن آفت گلنده اکني يازيق ايله­يير...))

بو سؤزلري بير نفر کي اداره­نين قاباقيندا دوروب دئيير. داها معطل اولمورام و گئديرم اوتاقلارين بيرينه کي اورادا سبزه داواسي وئريللر. اتاقا گيريرم و سلام وئريب و اوتاغين بير قوشاسيندا دورورام تا مندن قاباقداکي آقانين ايشي قورتولسون.

اؤ آقا دئيير: ((جيناب ايره­ييس! سيز منه بير کمک ايله­يين! والله توفتقيم داغيليب!...))

ميز داليندا اوتوران بير ژيگول كيشيدي، دئيير: ((آغا! من سنه عرض ايله­ديم. احتمالا" اداره كل­دان بير بودجه خسارتي ايختيصاص تاپاجاكدي، اوندا بيز سنين خدمتيزده واريك...))

او آغا ينه دئيير:

(( جيناب ايره­ييس! بونو دييم بيل ها! منه دييللر "ديواندره ييخيلينجي­سي"!))

ميز داليندا اوتوران بير اونا باخدی و قاشلارين بير بوروشدوردو و دئيير: ((ياخجي!؟ منه نه وار؟))

او آغا يئنه دئيير: ((سن ايله بير بيلميرسن ديواندره ييخيلينجيسي يعني نه؟!))

ميز داليندا اوتوران ده­يير: ((كيشي دور جهنم اول اشيگه ... مني تهديد ايلييرسن؟...))

و او دئدي: ((من ديواندره ييخيلينجيسي­يام!...))

و...: ((دور جهنم اول ...))

....داها آز قالدي كي بير بيريني وورالار!

***

مندن بير آيري نفر كي تئزه گلميشدي، بو صحنه­ني گؤرنده، دوردوك و اونلاري آرالاديك و بير آز ياواشيدديك.جيناب ايره­ييس بير آز ياواشياندان سونرا، اوتوردو و من بيله­سينه دئديم كي: ((بابا! بو آغا بير سؤز دئمدي!... بو ايسته­ييردي دييه كي منيم نخودوما ديواندره­ده آفات دييب و اونا گؤره ييخيلميشام!(بو آرادا او كيشي ده منيم سؤزومي تاييد ايله­مك اوچون باشيني ترپشديردي و اؤرك­لنيب، هردن ده بير آه چكيردي) ولي متاسفانه دؤز باشارمير توركي دييه و سن دئييرسن بلكه بو يازيق ده­يير من ديواندره بوينو يوغونويام و اگر پول وئرمسن ايله ايله­رم بئله ايله­رم...))

بو ماجرا قورتولدو گئددي ولي مني چوخ فيكره سالدي. بونا گؤره كي نيه بيزيم جماعات باشارمير دوزگون، ديليني دانيشسين و بونا گؤره بير بئله تفاهم­لار يارانير اوز وئرير. چوخ فكرلشندن سونرا آخيرده بو نتيجه­يه يئتيشديم كي ((او جماعت كي اؤز ديليني يازيب اوخويا، هيچ واقت ايليه بيلمز كي بير مشترك دانيشيك تفاهمينا يئتيشه و چوخ يئرلرده ايله بو قضيه تكين سوءتفاهم اولاجاق و دعوا چيخاجاق!.))

شايد اگر بير آز عايله­لرين ايچينده دقت اولونسا و يا مدرسه­لرده و فرهنگي يئرلرده آخداريلسا، بونو گؤرمك اولار كي چوخلي فرهنگي اخلاقي مشكل­لرين كؤكو بورداندير.

عايله­لر مشكل­لري، دانش آموزلارين درس لرده دالا قالماسي، "تهاجم فرهنگي"  

،هويت سيزليك، بي دين ليك و ... هاموسي ايليه بيلر ننه ادبيات و دانيشيك و فرهنگين اولماماغيندا، داهادا چوخالا و تشديد اولا.

داها سؤزو چوخ اوزاتمييم...فيكر ايليييرم داها واقتي اولوبدور كي جماعتين مشكليني و هويتيني و دين­ايني  حفظ ايله­مك اوچون اصل 15 و 19 قانون اساسي بو مملكتده اجرا اولونا.    إن شاءالله

 

/ 5 نظر / 13 بازدید
مهران بهارى

قارداش http://www.nagadeh.persianblog.ir/ چوخ گؤزه ل بير يازى يازيبسيزּ سيز ايندىيه جن هارالاردايديز؟ اللريزه ساغليق و قلميز داها دا گوجلو اولسونּ لوطفن تئز تئز٬ اؤزو ده مومكون اولسا يازديغيز بو گؤزه ل و آخيجى توركجه ده يازيلار يازينּ آخيردا سيزدن بير سواليم وارּ من ائشيتميشم ديواندره نين موهوم بير بؤلومو توركدورּ بونون دوز يا دا ايشتيباه اولدوغونو منه يازساز چوخ ممنون اولارامּ سيزه جان ساغليغى و حياتيزدا باشارىلار ديله ييره مּ وخت ائله سه ز منيم ده وئبلاگيما بير باش وورونּ سيزه سؤزوموزده لينك وئرديمּ

تقي77

سلام. اين اولين مطلب ترکی تو پرشين بلاگ بود که ديدم و اولين کامنت ترکی. آقا مگه نمی بينين اسمش پرشين بلاگه. اگه قرار بود ترکی باشه می شد ترکين بلاگ. (شوخی بودا. نزنين بابا) ماه ربيع الاول مبارک باد

vahid

عزيز هر کس سن بونو يازيبسان چوخ دالی بير بشرسن و او اداملاردان سان کی چوخ تورک ضرب ووروب سان و سنين کيمين اداملار گويماز تورک پيشرفت الييا سنين بوينويوخون مسئوللارين تورک دولر اما تورکو باشارميللار سن بيدن کيچيه رئيسدن نه اينتيزارين وار

نويسنده مقاله

آقا وحيد! محبتلي يازييزدان چوخ تشکر ايلييرم.

مصطفي

آقا وحيد! سن بو يازيني ترسه قانيبسان! بو يازي دئيير کي علت بو کي او ايکي نفرين آراسيندا دعوا قوزانيب بودور کي اونلارين هيچ بيري دوز باشارميلار تورکي دانيشالار! بو دوز سؤزدور و هيچ کسه يامان حسابلانمير و اتفاقا" گؤرسدير کي گئلک تورک جماعت اؤز ديللريني رسمي شکلينده يازيب اوخويالار و فرهنگستان زبان لاري اولا.... بير آز تئر قضاوت ايله ميين!